26 مامىر ساع 11.00-دە  «داۋلەت» سك مادەنيەت جانە سپورت مينيسترلىگى ەلباسى ن.ءا.نازاربايەۆتىڭ قازاقستان حالقىنا جولداعان «درۋگوي تى!» چەللەندجى اياسىندا وڭىرلەرمەن اۋقىمدى «سپورتتىق تەلەكوپىر» ۇيىمداستىرادى، - دەپ حابارلايدى Qamshy.kz اقپارات اگەنتتىگى.  تەلەكوپىر ءمانىسى – وبلىستارمەن بىرىگىپ ساۋىقتىرۋ گيمناستيكاسىن جاساۋعا سايادى. ق ر مادەنيەت جانە سپورت ءمينيسترى ارىستانبەك مۇحامەدي ۇلى وڭىرلەردى ەلباسىنىڭ باستاماسىن قولداپ، چەللەندجگە قاتىسۋعا شاقىرادى.  

وسىلايشا، تەلەكوپىر ارقىلى ونلاين ترانسلياسياعا 4 قالامەن شىعۋ جوسپارلانعان. چەللەندجگە شىمكەنت، وسكەمەن، پەتروپاۆل جانە اقتاۋ قالالارى شىعادى. ورتالىق استانادا ورنالاسادى. جاپپاي ساۋىقتىرۋ گيمناستيكاسىنا تانىمال سپورتشىلار، ارتىستەر مەن وڭىرگە تانىمال قوعام قايراتكەرلەرى قاتىسادى. سەرىك  ساپييەۆ، ۆاسيليي ليەۆيت، ولگا شيشيگينا، ادىلبەك نيازىمبەتوۆ، گيۋزال مانيۋروۆا شارانى قولداۋعا كەلەدى. وبلىستاردىڭ قاتىسۋشىلارى استانادان بەرىلگەن ستارتتان سوڭ، ارنايى مۋزىكانىڭ سۇيەمەلدەۋىمەن كەشەندى جاتتىعۋلار جاسايدى.  

ەستەرىڭىزگە سالايىق، 22 مامىردا ەلباسى ن.ءا. نازاربايەۆ رەسپۋبليكالىق سپورتتىق "Challenge درۋگوي تى!" شاراسىنا قولداۋ ءبىلدىرىپ، قازاقستانداردى سپورتپەن اينالىسۋعا شاقىرعان بولاتىن.  

شارانىڭ ماقساتى – قازاقستاندىقتار اراسىندا دەنە شىنىقتىرۋ مەن سپورتتى تانىمال ەتۋ. ونىڭ اياسىندا بەلگىلى سپورت، مادەنيەت، ب ا ق وكىلدەرى دەنە شىنىقتىرۋ جاتتىعۋلارىن جاساپ، قازاقستاندىقتاردى سپورتپەن اينالىسۋعا  شاقىرادى.